Për shkak të gjendjes alarmante të hapjes së sëmundjes Gungore të Lëkurës të gjedhit , drejtoria komunale e Bujqësisë ka mbajtur takim të jashtëzakonshëm më kryetarin e Komunës z.Rasim Selmanaj , veterinarin z.Besjan Canhasi, inspektorin komunal të veterinës z.Valon Hoxhaj , z.Jashar Hulaj shef i Inspeksionit , z.Bajram Çeku nga zyra komunale e Bujqësisë z.Isuf Thaqi teknik veterine etj
Gjatë këtij takimi është diskutuar lidhur më shqetësimin e banorëve-blegtorëve të komunës së Deçanit, për shfaqjen e sëmundjes ,,Gungore të Lëkurës’’ së Gjedhit sëmundje kjo e cila ka filluar të shfaqet tash e dy javë në komunë tonë.
Zonat e prekura janë Deçani , Lluka e Epërme ,Lumbardhi , Baballoqi,Vranoc i Vogël, Gllogjan dhe Bjeshka e Strellcit .
Nga ky takim si rekomandim i kryetarit të komunës z.Rasim Selmanaj ,doli që për shkak të gjendjes alarmuese të përhapjes së shpejt të kësaj sëmundje u formua shtabi emergjent për menaxhimin e kësaj situate emergjente dhe zbatimin e masave të dalura nga vendimi i Agjensionit të Ushqimit dhe Veterinës .
Detyrat e këtij shtabi emergjent të krijuar sot janë:
1. Të vaksinohen të gjitha gjedhet në të gjitha fshatrat e komunës së Deçanit të cilat nuk janë të prekura në bashkëpunim më Agjencinë e Ushqimit dhe Veterinës
2. Sigurimi i vaksinave të behët nga Agresioni i Ushqimit dhe Veterinës sa më par që të jetë e mundur
3. Dezinfektimi dhe dezinsektimi të gjitha fermave nga zonat e prekura dhe ato të cilat nuk janë prekur deri më tani
4. Ndalimi i përhoshëm i lëvizjes dhe shitjes së kafshëve
5. Përcaktimi i zonave të mbrojtura
6. Përcaktimi i lokacionit për groposjen e kafshë të ngordhura nga kjo sëmundje
Nga ky komision kërkohet që fermerët që kanë shqetësime të lajmërohen tek shtabi emergjent apo edhe tek drejtoria e Bujqësisë në komunë e Deçanit
