Me një akademi përkujtimore të organizuar nga Lidhja e Historianëve të Kosovës “ Ali Hadri” dega në Deçan, mbështetur nga komuna e Deçanit është përkujtuar në 100 vjetorin e rënies, veprimtari dhe njëri ndër bashkëluftëtarët më të ngushtë të heroit kombëtar Isa Boletini , Isuf Bardhoshi i Haklajve të Isniqit. Hedhja dritë mbi këtë figurë të shquar, është një përpjekje në luftë kundër harresës së vlerave tona të vërteta për liri e dinjitet kombëtar” tha mes tjerash në fjalën e tij të rastit kryetari I Komunës së Deçanit z.Rasim Selmanaj, duke shtuar se kjo akademi është nder dhe respekt për të gjithë ne këtu, që po e përkujtojmë një nga figurat e anatemuara të historisë tonë kombëtare. Përpjekja për të ndriçuar sadopak aktivitetin dhe punën e atdhetarit Isuf Bardhoshi është një ngjarje e mirë, që duhet përshëndetur.
Besoj shumë se njerëzit me kompetencë do të shpalosin sot pjesë nga veprimtaria e këtij atdhetari të madh nga Isniqi i Deçanit.
Gazmend Boletini nga familja e Isa Boletinit, i pranishëm në këtë akademi tha se “ Që nga vegjëlia ime në familjen time e kamë dëgjuar emrin Isuf Bardhoshi, në familjen tonë është folur për veprat patriotike dhe atdhetarë të Isuf Bardhoshit,. Isufi ishte një njëri besnik I Isa Boletinit” tha mes tjerash Gazmend Boletini. Selim Lokaj,Bekim Mushkolaj dhe Shkodran Imeraj referuan për jetën dhe veprën e Isuf Bardhoshit, ata e vlerësuan veprimtarinë e këtij patrioti, mes tjerash kërkuan nga krytari Selmanaj që emrin e Isuf Bardhoshit, ta mbajë një rrugë në komunën tonë apo ndonjë institucione I veçante . Selim Lokaj në këtë 100 vjetor kërkoj nga presidentja e shtetit Atifete Jahjaga që Isuf Bardhoshin ta shpallë Hero të Kombit.
Më ketë rast më titullin ,,Krenaria e Kombit Shqipëtarë ‘’ nga Lidhja e Historianëve dega në Deçan ,janë nderuar :
Shake Krasniqi dhe Nezir Shala,Gazmed Boletini nga familja Boletini në Mitrovicë , familja Radisheva nga Mitrovica, Familja e Hazir Lahës nga Belleja , Familja e Mosin Nimon Balaj nga Isniqi, dhe disa personalitete të cilët dhanë një kontribut të veçantë në periudha të ndryshëm kohore.
Më këtë raste nga Lidhja e Historianëve dega në Deçan u propozua që një rrugë e këtij qyteti të merr emrin e heroit Isuf Bardhoshit .
