Banoret e fshatit Lumëbardhë, të Deçanit, sot kishte festë të dyfishtë. Në praninë e shumë qytetareve , kryetari i komunës z.Rasim Selmanaj, dhe Adem Përgjegjaj, baba i dëshmorit,
kanë bërë përurimin e ujësjellësit, ndërkohë njëkohësisht edhe kanë vënë gurin themeltar për ndërtimin e ,,Kompleksit Memorial’’ të pajtimit të gjaqeve, të cilat kishin filluar në këtë fshat 20 vjet më parë. Kryetari i komunës z.Rasim Selmanaj , nisjen e këtij kompleksi memorial e konsideron si një projekt shumë të rëndësishëm për banoret e kësaj ane ngase këtu nisi edhe pajtimi i gjaqeve dhe vazhdoi në Verrat e Llukës së Epërme, duke than se nuk duhet harrur sakrificën e asaj kohe nga njerëz të cilët e deshën vendin dhe në kohërat më të vështira u sakrifikuan për këtë dit andaj edhe unë si i pari i komunë së Deçanit, që kam mare besimin e qytetarëve të komunës sime do të mundohem më çdo kusht që vlerat historike ti ruaj dhe vlerë më të madhe se kjo e sotmja nuk ka që nis një projekt ku për brezat e ardhshëm është udhërrëfyes i historisë sonë kombëtare.
Ndërkaq banoret e fshatit Lumbardhë, ndër të tjera thanë se ndihen krenar, ngase jo larg varreve të dëshmorëve të këtij fshati do të ndërtohet edhe Kompleksi Memorial, dhe të dyja bashkë dëshmojnë për vlerat e historisë sonë.
Për ndërtimin e këtij kompleksi i cili ka nisë punimet sot , Komuna ka ndarë 30 mijë euro, për ndërtimin e ujësjellësit kanë bashkë investuar Ndërmarrja ,Publike,Komunale , Higjiena” dhe qytetarët e këtushëm. Sipas banorëve , Komuna deri vjet, nuk kishte bërë asnjë investim në Lumbardhë, por tani shprehen te kënaqur me investimet e fundit. “Është ndërtuar rrjeti i kanalizimit, tani ujësjellësi, Kompleksi Memorial, kurse në radhë kemi edhe asfaltimin e rrugës së fshatit , duke besuar se mirëqenia dhe e ardhmja e 150 familjeve lumbardhase do të jetë më e mirë.
