Zyrtar të OSBE-së të Zyrës Rajonale në Pejë, në praninë e zyrtarëve komunalë, shoqërisë civile dhe të këshilltarëve komunal, kanë bërë promovimin e të gjitha rregulloreve komunale në fuqi,
të cilat janë përmbledhur në një tërësi për tu venë në shërbim të zyrtarëve dhe të qytetarëve të kësaj komune. Sipas Vaseliki Chatzikamari, ushtrues i detyrës së shefit të OSBE-së Rajonale në Pejë, ky projekt është realizuar për ta ndihmuar komunën dhe qytetarët e saj për të pasur qasje të përhershme në dokumentet zyrtare, pa asnjë lloj diskriminimi, si gjinor apo etnik.
“Legjislacioni i Kosovës, duhet të përcillet me hartimin e rregulloreve të cilat aq sa ka nevojë të implementohen dukët të jenë edhe transparente për të gjithë” , ka thënë Chatzikamari, duke iu referuar edhe Konventës mbi qasjen në dokumente zyrtare të Këshillit të Evropës, i cila sipas saj është instrumenti i parë legal ndërkombëtar detyrues që një të drejtën për qasje në informata dhe dokumente zyrtare. Ajo tutje ka folur për rëndësinë e transparencës, ndërkohë ka potencuar ngritjen e nivelit të përgjegjësisë në zbatimin e ligjeve dhe të rregulloreve, ngase vetëm kështu mund të funksionojë shteti ligjor.
Duke iu rikthyer projekti të realizuar në Deçan, e para e OSBE-së Rajonale në Pejë, ka vlerësuar se përmbledhja e të gjitha rregulloreve në një vend do të jenë në dispozicion të komunës dhe institucioneve tjera lokale, kurse qytetarët qofshin ato të në këtë përmbledhje apo edhe të prezantuara ne ëeb faqen zyrtare do të familjarizohen me legjislacionin lokal dhe natyrisht të kërkojnë zbatimin e të drejtave të tyre. Bashkim Ramosaj, drejtor i Drejtorisë Komunale për Administratë, ka thënë se OSBE-ja pos këtij projekti ka ndihmuar komunën edhe më shumë projekte të tjera duke veçuar atë të Arkivit historik, njeri ndër më modernët në Kosovë njëkohësisht nxjerrjen e një ,,Buletini ’’informativ për punën e kuvendit Komunal ne vitin 2010..
