Më intensitet të shtuar po vazhdon realizimi i projektit të kanalizimit të ujërave të zeza në Komunën e Deçanit , projekt ky jetik për banoret e kësaj ane .
Sipas Drejtorit të Urbanizmit Ramë Melaj ,në fazën e dytë, dinamika e punimeve është shtuar dhe momentalisht po punohet në disa pika në fshatin Llukë e Epërme. Është duke u punuar në 3 pika në fshatin Llukë e Ulët. Nëse nuk paraqiten probleme gjatë implementimit të këtij projekti Melaj, thotë se do të arrin që ta finalizojnë brenda këtij viti. Sikurse drejtori Melaj, mendon edhe mbikëqyrësja e punimeve , arkitektja Hyse Dinaj, e cila tregon se pos disa problemeve të vogla nga shembja e dheut në disa pjesë të fshatrave ku tashmë ka përfunduar kanalizimi ,probleme tjera deri më tani nuk janë paraqitur dhe qytetaret i janë përgjigjur pozitivisht dhe nuk kanë paraqitur ndonjë problem lidhur më pjesët e pronave të tyre aty ku kalon kanalizimi i ujërave të zeza.
Për finalizimin e këtij projekti të ndara janë 1 milion e 700 mijë euro, ndërsa sipas Melaj, për finalizim në tersi nevojiten 2 milion euro si shkak i paraqitjes së punëve shtesë në teren dhe remizimit në tersi sipas planit rregullues urban të qytetit.
