Me një improvizim të demonstratave që ka nisur nga gjimnazi “Vëllezërit Frashri”, si çerdhe e “irredentizmit” të tri decenieve me parë dhe ka përfunduar në rrugën e demonstratave në Deçan, ka nisur shënimi i përvjetorit të 30-të të demonstratave të vitit 1981.
Ndërkohë, me homazhe dhe lule është nderuar, ideatori i tyre Ismajl Haradinaj, eshtrat e të cilit pushojnë në kompleksin memorial “Dëshmorët e Kombit” në Gllogjan.Po ashtu familjar të dëshmorëve ,veteran të luftës së UÇK-së ,veprimtar të çështjes kombëtare zyrtar komunal dhe qytetar pas homazheve janë përkulur para varreve të 79 dëshmorëve të këtij kompleksi memorial në Gllogjan. Pas Gllogjanit të njëjtit kanë shkuar edhe në fshatin Dubovikë, vendlindjen e Jusuf dhe Bardhosh Gërvalla,ndërkohë në kompleksin e këtushëm memorial para lapidarit enkas të nderura për këta dëshmorë kanë ber homazhe dhe kanë vendos kurora më lule. Një grup tjetër kanë ber homazhe dhe kanë ven lule par lapidarit të dëshmorit të kombit Edmond Hogja në Junik.
