Në mesditë në praninë e shumë qytetarëve,familjarëve të dëshmorëve, përfaqësuesve të shoqatave të dala nga lufta e UÇK-së dhe të zyrtarëve komunalë,në hapësirat e pallatit të kulturës të qytetit, Hilmi Haradinaj, Musa Çekaj, Hasan Ukëhagjaj dhe Nazmi Selmanaj. kanë bërë zbulimin e bustit të heroit të kombit Jusuf Gërvalla,
emrin e të cilit me krenari e mban ky institucion kulturor dhe shkolla fillore në Prapaqan. Ndërkaq, Daut Haradinaj, i cili ishte komandant i Brigadës “Jusuf Gërvalla” në kuadër të ish-ZOD-it, në këtë rast ka thënë se “pavarësia e Kosovës është një ngjarje e madhe për tërë kombin, ndërsa figura e heroit kombëtar Jusuf Gërvalla gjatë gjithë luftës sonë për çlirim ishte frymëzim për të gjitha betejat për çlirimin e vendit”.Ai po ashtu ka vlerësuar se e sotmja e vendit, është rezultat e sakrificave sublime, ndërkohë obligimi ynë është amaneti i tyre për ndërtimin e shtetit të Kosovës.
