Rasim Selmanaj, kryetar i Komunës, Sami Cacaj, nënkryetar dhe Qazim Maloku, drejtor i DKA-së, kanë vizituar shkollën fillore “Regjep Kadrijaj”, në Rastavicë,
të cilët bashkë me kolektivin e këtij institucioni shkollor, kanë biseduar lidhur më problemin e objektit shkollore dhe problemet administrative të cilat reflektohen këtu që nga themelimi i komunës së re të Junikut. Pasi nga drejtori i shkollës dhe të tjerët është informuar për të gjitha problemet, kryetari Selmanaj, ka thënë se objekti i parë shkollor i cili do të ndërtohet në komunën e tij, do të jetë ai në Rastavicë, ngase sipas tij, objekti aktual është në shkatërrim e sipër dhe nuk e plotëson asnjë kriter për organizimin e mësimit.
Ndërkaq, sa i përket problemit të dytë, përkatësisht problemi administrativ tha se edhe ky problem do të zgjidhët bashkërisht me Junikun, pasi themelimit të institucioneve të reja të shtetit. Shkolla e këtij fshati duhet t’i takojë komunës së Deçanit, ashtu siç i takojnë edhe qytetarët e tij, është shprehur ai, duke besuar se bashkë me drejtorin Maloku dhe zyrtarët të tjerë të komunës së Deçanit dhe të Junikut do të zgjidhin edhe këtë problem. Kështu është zotuar edhe drejtori Maloku, i cili njëkohësisht ka dhënë përkrahjen e drejtorisë së tij për zgjidhjen e këtyre dy probleme qenësore për këtë institucion shkollor.
