Prijësit e tri komunave të Dukagjinit, zyrtar të Zyrës Ndërlidhëse të Komisionit Evropian, Agjensionit për Zhvillimin Regjional “Prendimi”, të CHWB-së dhe ekspert për zhvillimin e turizmit, në ambientet e Kullës së Mazrekajve, në Drenoc të Deçanit, kanë bërë promovimin e projektit “Shihemi në Dukagjin”,
i cili financohet nga BE-ja dhe menaxhohet nga Zyra Ndërlidhëse e Komisionit Evropian, do të realizohet në komunën e Deçanit, Pejës dhe Junikut. Në kuadër të këtij projekti siç u tha në komunën e Deçanit, Pejës dhe Junikut, do të realizohen tri projekte për zhvillimin e turizmit për të cilat do të investohen mbi 1 milion e 300 mijë euro.
Nikoqir i këtij takimi Rasim Selmanaj, kryetar i Komunës së Deçanit, ka thënë se “komuna e tij së bashku me atë të Pejës dhe Junikut, si pjesë e regjionit ekonomik “Prendimi” do të harmonizon politikat ekonomike në të mirë të zhvillimit të përbashkët”. Sipas Selmanaj ky projekt i cili ka për qëllim zhvillimin e turizmit, do të gjenerojë zhvillimin ekonomik, por edhe të punësimit të qytetarëve të këtyre komunave. Ai ka treguar se këto tri komuna të pasura me resurse të mëdha natyrore dhe vlera të trashëgimisë kulturore, në prioritet e tyre janë përcaktuar për zhvillimin e turizmit, i cili me veprime dhe investime të përbashkëta do të shndërrohet në traditë dhe ekonomi të qëndrueshme.
Sali Shoshi, drejtor i projektit “Shihemi në Dukagjin” pasi ka përshkruar resurset e mëdha natyrore dhe vlerat e larta të trashëgimisë kulturore siç tha ai të çfarëdo lloji:arkitektonike,arkeologjike, muzetë, kishat,manastiret etj, ka thënë se “ përmes këtij projekti do të krijojmë qendrën turistike për tri komuna, e cila do të jetë e përhershme dhe në shërbim të turizmit dhe të ofrimit të produktit turistik të këtij rajoni”. Ky projekt do të zhvillohet në harmoni të plotë me dokumentet strategjike komunale dhe regjionale, të hartuara nga komunat përkatëse dhe Agjensioni për Zhvillimin Regjional “Prendimi”.
Ndërkaq, duke folur lidhur me financimin e këtij projekti, Besime Kajtazi, përfaqësuese e Zyrës Ndërlidhëse të Komisionit Evropian, pasi ka treguar vlerën e investimeve për këtë projekt, i cila sipas saj është mbi 1.300 milion euro, ka thënë se “kjo është vetëm një nismë e përkrahjes së këtij donatori të fuqishëm”, duke lënë të kuptohet se BE këtë rajon do të ndihmojë edhe me projekte të tjera ndërkaq projekti i cili është prezantuar pritet të përfundoi brenda dy viteve.
