Sot, në sallën e Kuvendit Komunal në Deçan u mbajt një konsultim publik me temë Projekt-Strategjia për Zhvillim Ekonomik

Konsultimin e udhehiqi, znj Ajne Iberhysaj të pranishëm ishin, qytetarë, përfaqësues të OJQ-ve dhe bizneseve, dhe zyrtare komunal.

Drejtori për Ekonomi dhe Zhvillim, z. Isuf Demhasaj prezantoj strategjinë dhe informoj pjesëmarrësit për misionin dhe qëllimet e tyre drejt zhvillimit ekonomik lokal për shtatë vitet e ardhshme (2023-2030).

Nga të pranishmit në sallë, u kërkuan ide për të ndihmuar në këtë qështje por gjithashtu edhe u treguan nevojat për zhvillimet e bizneseve të tyre që lidhen drejtpërdrejt me zhvillimin ekonomik të qytetit të Deçanit.

Drejtori në fjalën e tij tha se bashkëpunimi ynë me pjesëmarrësit në takim ishte sot por edhe do të vazhdoj të jetë i shkëlqyeshëm, sepse kjo do të na dërgoj drejtë përmbushjeve të qëllimeve tona. Vetëm së bashku mund të arrijmë të bëjmë endrrën tonë realitet, për një Deçan me zhvillim ekonomik që e meriton. Ne do të përdorim idetë e tyre për të hartuar përfundimisht Projekt-Strategjinë për Zhvillim Ekonomik Lokal për vitet 2023-2030.