U MBAJT MBLEDHJA E TRETË E KKSB-SË
Mbledhja e udhëhoqi kryetari i komunës, z. Bashkim Ramosaj. Të pranishëm ishin koordinatori i KKSB-së, z. Ismet Kukleci, përfaqësues të KFOR-it, përfaqësues të OSBE-së dhe anëtarë të tjerë.
Për këtë takim ishte propozuar ky rend pune:
1. Çështja e sigurisë në Komunën e Deçanit;
2. Të ndryshme.
Kryetari i komunës, z. Bashkim Ramosaj theksoi se duke u bazur në raportet që kemi si qeverisje komunale nga Stacioni Policor në Deçan, mund të themi se situata e sigurisë në gjithë territorin e komunës vazhdon të jetë e qetë dhe stabile, edhe më tutje do të punojmë së bashku me akterët tjerë që siguria në gjithë territorin e komunës të jetë e qetë dhe e qëndrushme.
Sa i përket çështjes së sigurisë në komunën tonë Komandanti i Policisë, z. Faik Jahmurataj në raportin e tij tregoj që në komunën tonë gjendja e sigurisë është në nivel.
Kryetari Ramosaj së bashku me drejtorin e MSHSHP-së, z. Izet Zenuni, kanë theksuar se me përmbylljen e vitit 2023, po përmbushim edhe një vit të suksesshëm, sa i përket situatës së sigurisë, e vlerësuan të qetë dhe stabile, gjithashtu kanë falënderuar të pranishmit për bashkëpunimin e vazhdushëm.
Si përfundim nga ky takim doli që siguria në komunën tonë është në nivelin e duhur.
