Gjatë takimit u diskutua për situatën aktuale në komunë, bashkëpunimin institucional dhe rëndësinë e koordinimit të vazhdueshëm në shërbim të stabilitetit dhe mirëqenies së qytetarëve.
Me këtë rast, Kryetari pranoi edhe letrën e urimit nga z. Milbert Dongjoon Shin, Zëvendës Përfaqësues Special i Sekretarit të Përgjithshëm dhe Ushtrues i Detyrës së Shefit të UNMIK-ut, si shenjë respekti dhe bashkëpunimi.
Kryetari Ramosaj shprehu gatishmërinë për thellimin e bashkëpunimit dhe ndërtimin e një komunikimi të hapur e konstruktiv në të mirë të interesit publik, duke i falënderuar njëkohësisht për vizitën dhe përkushtimin për bashkëpunim të ndërsjellë.
