Sot, Kryetari i Komunës, z. Bashkim Ramosaj, së bashku me drejtorin për Zhvillim Ekonomik, z. Isuf Demhasaj dhe shefin e Drejtorisë, z. Lendim Kuçi, pritën në takim udhëheqësin e Agjencia Zhvillimore Rajonale e Perëndimit, z. Sokol Luta.
Gjatë takimit u diskutua për ndryshimet e fundit në legjislacionin që rregullon funksionimin e agjencive zhvillimore rajonale, me theks të veçantë në rolin dhe kompetencat e komunave në kuadër të këtyre ndryshimeve. U vlerësua rëndësia e koordinimit institucional dhe harmonizimit të veprimeve, me qëllim të sigurimit të një zbatimi sa më efikas dhe në përputhje me interesat e zhvillimit ekonomik lokal.
Bashkëpunimi i Komunës me Agjencinë Zhvillimore Rajonale ka qenë dhe do të vazhdojë të mbetet në nivelin më të lartë, në funksion të realizimit të projekteve konkrete dhe fuqizimit të zhvillimit rajonal.
