Në 28-vjetorin e 24 Marsit 1998, ditës që shënoi fillimin e luftës për çlirimin e vendit në Zonën e Dukagjinit, sot u bënë homazhe në nderim të të gjithë atyre që dhanë jetën për lirinë që gëzojmë sot.
Me krenari dhe mirënjohje të veçantë kujtojmë dëshmorët e parë të kësaj dite historike: Gazmend Mehmetaj, Agron Mehmetaj dhe Himë Haradinaj.
24 Marsi mbetet një ndër datat më të rëndësishme dhe më të lavdishme të historisë sonë kombëtare – simbol i qëndresës, sakrificës dhe luftës për liri, i lidhur ngushtë me familjen Haradinaj dhe Ushtrinë Çlirimtare të Kosovës.
Shprehim mirënjohje të thellë për aleatët tanë ndërkombëtarë, në veçanti për NATO-n dhe Shtetet e Bashkuara të Amerikës, për mbështetjen e tyre vendimtare.
Lavdi e përjetshme dëshmorëve të Kombit!
