Gjatë takimit u diskutua për potencialin që ofron Deçani në fushën e zhvillimit ekonomik, turizmit dhe mbrojtjes së mjedisit, me theks të veçantë në projektet e realizuara dhe ato që do të vazhdojnë në partneritet me CNVP-në.
Projektet që lidhen me ngrohjen me biomasë, pastrimin e pyjeve, trajtimin e pyjeve të gështenjave dhe iniciativa të tjera ekologjike vazhdojnë të jenë pjesë e angazhimit për një zhvillim të qëndrueshëm dhe përmirësimin e mjedisit në komunën tonë.
Në vazhdën e vizitës, u vizitua edhe Higjiena, ku tashmë ka nisur prodhimi i energjisë me biomasë, projekt ky me rëndësi të veçantë për avancimin e energjisë së gjelbër dhe zhvillimin lokal.
Po ashtu, u diskutua edhe për mundësitë e zgjerimit të bashkëpunimit me shtetin austriak në fusha të ndryshme zhvillimore, me fokus në energjinë e gjelbër, mbrojtjen e mjedisit, turizmin dhe zhvillimin ekonomik lokal.
Falënderojmë Ambasadorin Schnetzer, Drejtorin Lushi dhe CNVP-në për mbështetjen dhe bashkëpunimin e vazhdueshëm ndaj projekteve që kontribuojnë në zhvillimin e Deçanit.
