Është mbajtur mbledhja e shtatë e Komitetit për Komunitete, e udhëhequr nga kryesuesi i Komitetit, z. Shkëlzen Berisha.
Në këtë mbledhje u shqyrtuan këto pika të rendit të ditës:
1. Miratimi i procesverbalit nga mbledhja e kaluar;
2. Raport nga ZLK-ja;
3. Raport nga Drejtoria Komunale e Arsimit lidhur me fillimin e vitit të ri shkollor dhe numrin e nxënësve nga komunitetet jo-shumicë në shkollat fillore dhe të mesme në Komunën e Deçanit;
4. Të ndryshme.
Gjatë raportimit nga ZLK-ja, z. Shaban Peqinoviq bëri të ditur se gjatë muajit shtator është evidentuar një rast i ri i riatdhesimit.
Nga Drejtoria Komunale e Arsimit, z. Ramiz Bajrami theksoi se viti i ri shkollor ka filluar mbarë. Ai bëri të ditur se procesi i regjistrimit të nxënësve ende nuk ka përfunduar dhe se deri më tani janë të regjistruar gjithsej 66 nxënës nga komunitetet jo-shumicë.
Në pikën “Të ndryshme”, anëtarët e Komitetit për Komunitete parashtruan pyetje lidhur me numrin e kërkesave të komuniteteve, sa prej tyre janë aprovuar dhe sa janë refuzuar.
