Në kuadër të procesit të Buxhetimit me Pjesëmarrje, sot u mbajt degjimi buxhetor me gratë e Komunës së Deçanit. Takimin e hapi Drejtoresha për Buxhet dhe Financa, znj. Dafina Cacaj, e cila para të pranishmeve prezantoi buxhetin e komunës dhe mundësitë për realizimin e projekteve që prekin drejtpërdrejt komunitetin.
Pas diskutimeve dhe prezantimit të ideve, u përzgjodhën për votim dy propozime:
1. Ndërtimi i këndit të lojërave për fëmijë në zonat rurale.
2. Krijimi i një qendre për asistencë dhe praktikë.
Me shumicë votash, projekti fitues u shpall ndërtimi i këndeve të lojërave për fëmijë në zonat rurale, një investim që do të sjellë gëzim dhe hapësira të sigurta për më të vegjlit.
Drejtoresha Cacaj falënderoi të gjitha pjesëmarrëset për angazhimin dhe kontributin e tyre në këtë proces, duke theksuar se zëri i grave është thelbësor në zhvillimin e komunës.
