Qendra Kosovare për Vetë-Përkrahje në bashkëpunim me shoqatat e grave të Deçanit dhe Njësinë për të Drejtat e njeriut në Deçan mbajti sot në Hotel Swiss tryezë të rrumbullakët me temën “Mekanizmat Ligjorë Nacional për Mbrojtjen e Grave dhe të Drejtave të tyre”.
Ftesës për tryezë u ishin përgjigjur një numër i madh i shoqatave , dhe institucioneve relevante të cilat merren me këtë çështje. Valon Islami organizatorë tha se me këso tryezash po mundohen të ngrisin vetëdijesimin e grave mbi të drejtat e tyre që u garanton shteti i Kosovës me Ligjet e miratuar në Kuvend, Dokumentet dhe programet, por që sipas tij të gjitha këto zbatohen shumë pak në praktik për të mos thënë nuk zbatohen fare. “Tryeza ka për qëllim takimin e institucioneve, dhe shkëmbimin e praktikave, si dhe prezantimin e mekanizmave të tjerë shtese të cilët do tu ofronin mundësi më shumë viktimave të dhunës, mekanizma këta të cilët nuk janë edhe aq të njohur, bie fjala siç është agjensioni për ndihmë Juridike falas dhe institucione të tjera” Tha Valon Islami. Ndryshe nga kjo tryezë dolën rekomandime se duhet të vazhdohet edhe me tutje me takime të tilla, informim dhe fushata informuese për grat mbi të drejtat e tyre dhe ligjet e vendit. Ndryshe në këtë takim të pranishme ishin zyrtarja për barazi gjinore Zoje Sejfiaja , grupi i grave Asamblesite të komunës së Deçanit, zyrtar komunal , përfaqësues të Ojq-ve nga Deçani dhe komunat e përafërta.
