Kanë nisur sot punimet për ndërtimin- asfaltimin e rrugës me gjatësi rreth 1 kilometër, që i lidhë dy fshatrat Carrabreg i Ulët dhe Carrabreg i Epërm. Ky investim që është duke u bërë nga ana e Kuvendit Komunal të Deçanit, është mirëpritur nga banorët e këtij lokaliteti.
Në emër të dy fshatrave të Carrabregut imami i Xhamisë Gëzim Qorraj e ka falënderuar kryetarin z.Rasim Selmanaj për këtë investim duke thënë se “ Fillimisht dua ta falënderoj kryetarin z.Rasim Selmanaj, që po na mundëson ndërtimin e kësaj rrugë, rrugë e cila lidhë rreth 900 familje të fshatrave Carrabreg i Ulët dhe Carrabreg i Epërm. Ne si fshat jemi shumë falënderues ndaj kryetarit dhe punës së stafit të tij, sepse ne sot e kemi kanalizimin e ujërave të zeza, ujësjellësin , kanalin për ujitje dhe elektrifikim e rrugëve. Duke i falënderuar për gjitha këto investime urojmë që të shpërblehen nga Allahu” është shprehur Imami i Fshatrave të Carrabregut.
Investimet që janë bërë brenda këtij mandati në fshatrat e Carrabregut, janë të dukshme, prandaj secili nga ne ato mund ti vërej dhe duhet falënderuar, tha me këtë rast Kryesuesi i asamblesë Komunale Jashar Dobraj, një herit banorë i këtij lokaliteti:
“ Kjo rrugë ka qenë një domosdoshmëri për tu asfaltuar, mirëpo ju e dini intensitetin e punimeve që na kanë përcjellë këtyre katër viteve, prandaj dikush mund të thotë se jemi vonuar, mirëpo si projekt për implementim ka hyrë tash, dhe ne si banor të këtushëm duhet ti gëzohemi këtij investimi dhe investimeve të tjera që kanë ndodhë në fshatin tonë, si kanalizimi i ujërave të zeza, ujësjellësi, kanali i ujitjes, elektrifikimi e një mori projektesh të tjera” tha kryesuesi Dobraj.
Ndryshe, punimet për ndërtimin e kësaj rrugë pritët të përfundojnë në afatin optimal në bazë të kontratës. Punë kryesi e që është Kompania “Lika Trade” është zotuar se rruga do të jetë e përfunduar brenda afatit , po ashtu është zotuar edhe për cilësinë e ndërtimit të rrugës.
