Kryetari i komunës z.Rasim Selmanaj , ka pritur në takim përfaqësuesit e të rinjëve nga Këshilli i Veprimit Rinore Lokal ne Deçan , Kuvendi i të rinjëve të Deçanit , Qendra rinore në Deçan si dhe Këshilli i nxënësve të gjimnazit ” Vëllezërit Frashëri ” në Deçan .
Pos punës së tyre dhe sukseseve brenda vitit 2015, ata bashkë kanë diskutuar edhe për projekte dhe punët të cilat i presin në vitin 2016 konkretisht në fillim të vitit 2016 do të nisin më organizmin e disa debateve më nxënës në dy shkollat e mesme ,,Vëllezërit Frashëri’’ dhe Shkollën e Mesme Profesionale ,,Tafil Kasumaj’’ ku në këto debate do të diskutohet lidhur më promovimin e punës vullnetare , orientimi në karrierë , promovimin e punës se këtyre organizatave rinore dhe temat tjera si rrjetet sociale dhe dukuritë tjera negative në shoqërinë tonë .
Më këtë rast kryetari Selmanaj i përgëzoi për punën gjatë vitit 2015, për angazhimin e tyre duke shtuar se për nisma dhe projekte të tilla të përbashkëta jam gjithmonë i gatshëm për bashkëpunim sepse kur ke një rini të shëndosh ke një të ardhme të ndritur andaj mjafton që të jeni të përkushtuar rreth realizmit të projekteve e nga ana jonë nuk do të mungoi përkrahja dhe mbështetja asnjëherë .
Pos aktiviteteve dhe projekteve të cilat do të nisin nga fillimi i vitit 2016, kishte edhe kërkesa në mbështetje të këtyre rrjeteve rinore si gjetja e një zyre për KVRL , njëkohësisht edhe gjetja e një lokacioni publik për ndërtimin e një qendre të re rinore ku një qendër e tillë i mungon qytetit të Deçanit .
