Kryetari i komunës z.Bashkim Ramosaj me bashkëpunëtorë ka pritur në takim delegacionin e Shoqatës Gjermano-Kosovare të udhëhequr nga z.Jens Kuderer, dhe Udhëheqësin e Konsullatës së Përgjithëshme në Stuttgart z.Imer Lladrovci nënkryetarin z.Junik Tahiri si dhe anëtaret e kryesisë së shoqatës Gjermano-Kosovare.
Jam i nderuar që pritëm këtë delegacion, i kryesuar nga z. Kuderer. Biseduam për bashkëpunimin ndër-komunal, sikur që i njoftova për mundësitë e potenciale tona, në theks të veçantë në Zhvillimin e Turizmit në komunën tonë .
Ne do të punojmë shumë në kuptimin e zhvillimit lokal ekonomik, sepse këto takime janë në funksion të projekteve të ardhshme të cilat mund të zhvillohen në raporte të ndërsjella për zhvillim dhe integrim. Si komunë jemi të gatshëm të lidhim marrëveshje bashkëpunimi .Nismat e tilla janë të mirëseardhura presim që ti konkretizojmë tha kryetari Ramosaj.
Ndërkaq, presidenti i Shoqatës Gjermano-Kosovare, Jens Kuderer, e ka falënderuar kryetarin Ramosaj me bashkëpunëtorë për pritjen, derisa ka shfaqur interesimin për angazhim në projekte në aspektin e Zhvillimit të Turizmit.
Pos pritjes në zyrtare ky delegacion ka bë homazhe në Kompleksin e varrezave ‘’Dëshmoret e Kombit ‘’në Gllogjan si dhe kanë vizituar edhe rrugën Deçan –Plav për të pa nga afer bukurit dhe mundësit që ofron komuna e Deçanit.
