Sot, Kryetari i Komunës, z. Bashkim Ramosaj së bashku me drejtorin e Urbanizimit, z. Ram Melaj, dhe drejtorin e Zhvillimit Ekonomik, z. Isuf Demhasaj, pritën në takim profesorët e nderuar nga Shqipëria, prof. Kokoshi, Ing. Danaj, si dhe organizatorin e këtij takimi, z. Selimaj.
Gjatë takimit u diskutua projekti për Pendën Akumuluese të ujit në Bistricën e Lloqanit, si dhe mundësitë e investimeve në këtë projekt me rëndësi të madhe për banorët e Komunës së Deçanit.
Gjithashtu, prof. Kokoshi, me një eksperiencë mbi 50 vite në fushën e ujërave, i prezantoi Komunës së Deçanit një studim që do t’u shërbejë të gjithë atyre që do të punojnë në këtë projekt në ditët në vijim.
Projekti i Pendës Akumuluese në Bistricën e Lloqanit mbetet një prej projekteve me rëndësi të madhe, i cili kërkon investim të lartë kapital që Komuna e Deçanit, me fondet e saj nga investimet kapitale, nuk mund ta realizojë.
Shpresojmë që në ditët në vijim të gjejmë mbështetje dhe ky projekt të realizohet!
