Kryetari i Komunës, z. Bashkim Ramosaj priti në takim të Ngarkuarin me Punë në Ambasadën e Japonisë në Kosovë, z. Hiroyasu Tanigaki, me rastin e dorëzimit të një donacioni me pajisje mjekësore për Qendrën Kryesore të Mjekësisë Familjare (QKMF).
Së bashku me drejtoreshën për Shëndetësi, znj. Agnesa Vokshi, dhe drejtorin e QKMF-së, z. Hasan Gjikokaj, shprehëm mirënjohjen për këtë mbështetje të çmuar që ndihmon në përmirësimin e shërbimeve shëndetësore për qytetarët tanë.
Faleminderit Ambasadës së Japonisë për kontributin konkret dhe për miqësinë e vazhdueshme me Komunën e Deçanit. 
