Kryetari i Komisionit Qeveritar për Demarkacion, Murat Meha, i shoqëruar nga anëtarët e tjerë të këtij komisioni, gjatë një vizite që i bëri Komunës së Deçanit, e njoftoj kryetarin e Komunës z.Rasim Selmanaj për punët që ky komision ka bërë për përcaktimin e vijës kufitare mes Kosovës, Malit të Zi, por, edhe Serbisë. “ Gjatë takimeve tona edhe me përfaqësuesit e Malit të Zi, kemi diskutuar dhe prezantuar dokumentacione të bollshme të dyja palët.
Sa i përket vijës Kufitare me këtë shtet e që është e gjatë 79.6 kilometra, Komuna e Deçanit, apo thënë me mirë Kufiri që i përket Komunës suaj përshkohet me Plavën, dhe në bazë të prezantimit të dokumentacioneve nga të dy Komisionet, janë përputhur në përpikëri , qka do të thotë se nuk kemi asnjë problem që e atakon Komunën e juaj” tha me këtë rast Meha.
E në anën tjetër edhe Kryetari I Komunës së Deçanit z.Rasim Selmanaj, me këtë ratë përgëzoj Komisionin Qeveritarë për Demarkacion, duke u ofruar mbështetjen e tij dhe të Komunës së Deçanit “ Unë ndihem mirë kur dëgjoj se në mënyrë ligjore dhe institucionale po vendosen vijat kufitare me shtetet fqinje. Në vazhdimësi kam qenë i informuar për këto procese nga zyrtari jonë z. Hasan Hulaj, i cili me kompetenca të plota ka kontaktuar gjithë banorët e komunës që kanë prona në vijën kufitare me Malin e Zi. Uroj se sikurse në vijën kufitare me Plavën, të gjinden zgjidhjet me të mira edhe në vijën kufitare me Malin e Zi” tha kryetari Selmanaj. Kolonel Shaban Huda drejtoria e Policisë Kufitare të Kosovës, anëtarë i Komisionit Qeveritarë për Demarkacion, tha se me marrëveshjen e demarkacionit me Malin e Zi janë pajtuar që qytetarët që kanë prona në brendi të Malit të zi deri në 50 Kilometra nuk kanë obligime doganore, si dhe nuk do të jenë të obliguar të bëjnë paralajmërimin e qëndrimit për 6 muaj, por të gjitha këto të drejta qytetarët e Kosovës që kanë prona në Malin e Zi do të mund ti përfitojnë vetëm atëherë kur të nënshkruhet marrëveshja e Demarkacionit në mes të shtetit të Kosovës dhe të Malit të Zi.
