Sot u mbajt debati publik me gratë e komunës së Deçanit për projekt-buxhetin 2023/25.
Drejtoresha për Buxhet dhe Financa, znj.Dafina Cacaj tha që ndër qëllimet që ia kemi vënë vetes është përkrahja e grave të komunës tonë në çdo formë, në mënyrë që ato të kenë mundësi të zhvillojnë bizneset e tyre sa më shumë. Ajo tha që për vitin e ardhshëm po planifikojmë që përmes thirrjeve t’i shtyjmë gratë të aplikojnë sa më shumë, por kuptohet që nevojitet edhe interesim më i madh i pjesëmarrjes në takime të tilla.
Debati ishte i hapur pë propozime, sugjerime dhe vërejtje nga secili qytetar. Edhe zyra e drejtoreshës për Buxhet dhe Financa është e hapur për çdo kërkesë, si dhe komentet mund të dërgohen edhe përmes postës elektronike në: komuna.decani@rks-gov.net.
