Është mbajtur mbledhja e rregullt e Kuvendit të Komunës, ku për diskutim ishin 10 pika të rendit të ditës, mirëpo kryetari i Komunës, Bashkim Ramosaj ka propozuar edhe pikën shtesë lidhur më marrjen e vendimit për zhvendosjen e ,,Mullirt të Shabanaj’’ në Deçan konform ligjeve në fuqi për shkak të rregullimit të rrugës kryesorë të qendrës .
Në mbledhje merrnin pjesë, kryetari i Komunës, Bashkim Ramosaj , kryesuesi i Kuvendit, Dr.Haki Shehaj i cili edhe e ka kryesuar mbledhjen, anëtarë të Kuvendit, drejtor të drejtorive komunale dhe përfaqësues të shoqërisë civile.
Më poshtë ju elaborojnë pikat që janë diskutuar e aprovuar në mbledhjen e rregullt të Kuvendit të Komunës;
- Procesverbali nga mbledhja e kaluar i dt.20.05.2020 është miratuar më disa plotësime
- Shqyrtimi dhe miratimi i Kornizës Afatmesme Buxhetore (KAB) 2021-2023,
- Trajtimi i Planit Zhvillimor Komunal, është miratuar më shumicë votash
- Shqyrtimi i raportit për aktivitetet e Komunës gjatë kohës së pandemisë COVID-19,ësht vlerësuar si një raport i kompletuar mbase nuk nevoit të votohet.
- Vlerësimi ekonomik i ndikimit të pandemisë COVID-19-ësht vlerësuar puna në ketë raport
- Aprovimi i mjeteve financiare për projektin Zhvillimi i shtegut të ngritjes sportive “Via Ferrata Deçani”, në shumën prej 20,000.00 €, më shumicë votash ka kalu.
- Ndarja e mjeteve financiare për hapjen dhe mirëmbajtjen e kanaleve të ujitjes në bashkëfinancim me K.R.U.’Drini i Bardhë”, në shumën prej 11,000.00 €,më vota unanime ka kalu.
- Shqyrtimi i kërkesës së OVL në Deçan dhe marrja e vendimit për emërimin e vendit Batalioni Gardist “Shkëlzen Haradinaj” në vendin e rënies të 16 Dëshmorëve në Bjeshkë të Belegut, më vota unanime është miratuar kjo pikë e rendit të ditës
- Plani i Veprimit për Komunitetet Egjiptian, Ashkali dhe Rom në Komunën e Deçanit 2020-2022,-me vota unanime është miratuar .
- Në të ndryshme pas dhënies së arsyeshmërisë lidhur më zhvendosjen e Mullirit të Shabanaj i cili gjendet në rrugën ,,Dëshmorët e Kombit’’ dhe më planin rregullues të qytetit pengon zgjerimin dhe rregullimin e rrugës kryesore, ky propozim për zhvendosje është miratuar me vota unanime .
- Në të ndryshme është miratuar edhe kërkesa e komunitete të fshatit Strellc i Ulët e prezantuar nga Asambleisti i AAK-së z.Valdet Nuraj, lidhur më ndërtimin e Memorialit të Dëshmorëve të këtij fshati në vlerë pre 42 mijë euro, ku do të behët rivarrimi i 11 dëshmorëve në një kompleks të përbashkët në ketë fshat . Kjo kërkesë me vota unanime nga të gjithë asambleistet prezent ka kalu.
- Po ashtu në ketë seancë Drejtori i N.T.P,,Higjiena’’ z.Kastriot Hulaj ka raportuar para asambleistëve dhe ekzekutivit komunal lidhur më menaxhimin e kësaj ndërmarrje gjatë kohës së Pandemisë ku më një vendim të Asamblesë kësaj ndërmarrje i janë nda mjete në vlerë prej 50 mijë euro për menaxhimin të kësaj situate. Hulaj tha se do të jem transparent sa here që kërkohet të raportohet unë do të jem këtu.
- Në fund të kësaj seance janë dhen edhe disa propozime për pikat e rendit të ditës për seancën e muajit korrik.
