Me një minutë heshtje në nderim të jetës, veprës dhe kontributit të tij dhënë vendit nisi mbledhja komemorative kushtuar Ish Komandantit të Shtabit Lokal të UCK-së për fshatin Strellc I Eper Shaban Ramë Avdimetaj, I cili dje ndërroj jetë në moshën 85 vjeçare.
. Kryetari i Komunës së Deçanit z. Rasim Selmanaj ,nën patronazhin e të cilit u mbajt kjo akademi, e cilësoi Shaban Avdimetajn si një veprimtar të jashtëzakonshëm të të gjitha lëvizjeve “Pas shkollimit të tij në rrethana të vështira ishte përqendruar me tërë qenien e tij në edukimin e brezave,ngase vlerësonte se prej këtu duhet ndërtuar bërthamën e rrugëtimit drejtë lirisë.Shabani u bë udhërrëfyes i lirisë që nga lufta antifashiste duke iu bashkuar aradheve të atëhershme. Mirëpo, regjimi komunist duke e parë rrezikun nga veprimtaria e tij kombëtare e vendosi prapa grilave.” Tha Kryetari Selmanaj për te shtuar se “Kurorë e angazhimeve të Shabanit, ishte lufta çlirimtare e UÇK-së. Strallcjanët të prirë nga ai dhanë kontribut të madh në luftën për çlirimin e vendit.” tha Selmanaj. Në këtë akademi për jetën dhe veprën e Shabanit folën edhe Ali Geci në emër të Shoqatave të dala nga lufta e UQK-së, Magjistër Demë Fetaj, si dhe familjarë të Shabanit. Trupi i pajetë i komandantit Shaban Avdimetaj, nga sot prehet në përjetësi pranë ushtareve te tij dëshmorëve të Kombit në fshatin Strellcë i Epërm, aty ku prehen edhe bashkëluftëtarët e tij, aty ku sot me krenari bien rrezet e diellit të lirisë.
