Me homazhe pranë lapidarit, tek varrezat e fshatit Dubovikë, u përkujtuan sot nga zyrtarë të Institucioneve lokale, familjarë e qytetarë, Jusufë e Bardhosh Gërvalla në 31 vjetorin e rënies së tyre. Këtyre homazheve ju bashkuan zyrtar komunal të prirë nga kryetari i komunës z.Rasim Selmanaj, përfaqësues të shoqatave të dala nga lufta e UÇK-së ,bashkëveprimtarë të vëllezërve Gërvalla , familjarë qytetar , kryetar komunash të përafërta, deputet nxënës dhe mësimdhënës.
“Është ndjenjë shumë e mirë kur shikon që njerëzit I nderojnë, I respektojnë në këtë ditë të veçantë, edhe pas 31 viteve, ju patë sa shumë njerëz kishte këtu nga të gjitha fshatrat rreth e rrotull, por edhe nga qytetet e ndryshme, pastaj shumë nxënës të shkollave, kjo për ne familjarët është një ngushëllim shumë I madh”tha zonja Suzan Gërvalla e emocionuar në këtë ditë.
Në anën tjetër Kryetari i Komunës së Deçanit, z.Rasim Selmanaj, tha se“Nderimi dhe Kujtimi për Vëllezërit Gërvalla do të jetë i përjetshëm, ne si institucione përveç nderimit dhe përkujtimit kemi obligim që ti lartësojmë këto figura të ndritura të vendit tonë”
Duke bëri të ditur se në pranverë do të nis projekti për renovimin dhe konservimin e shtëpisë së vëllezërve Gërvalla
Të gjitha procedurat rreth ndërtimit të Kullës së Vëllezërve Gërvalla kanë përfunduar, me përmirësimin e motit do të nisin punimet. Këtë projekt e ka financuar Komuna e Deçanit së Bashku me Ministrin E Kulturës Rinis dhe sporteve.
Për këtë gjë mjaft falënderuese ishte edhe bashkëshortja e Jusufit e cila mbanë shpresën se Kulla e Gërvallajve , do të inaugurohet në ditëlindjen e Jusufit ,por edhe proceduar në Institutin e mbrojtjes së monumenteve vetëm sa kanë nisur dhe besojmë që shtëpia muze e nënës Ajshe ,do të jetë e rinovuar dhe e hapur për vizitorët në nje të ardhme të afërt tha në fjalën e tij kryetari i komunës z.Rasim Selmanaj. Ndryshe pas Homazheve Kryetari i Komunës së Deçanit z.Rasim Selmanaj i shoqëruar nga Bacë Hilmi Haradinaj , dhe nj epjes e stafit të tij politik u priten edhe në familjen Gërvalla.
