Kryetari i Komunës së Deçanit, z. Bashkim Ramosaj, mirëpret me zemër të gjithë bashkatdhetarët që kanë ardhur për pushime në vendlindje, duke i ftuar për një kafe dhe bashkëbisedim miqësor qdo ditë nga ora 08:00 deri në 10:00, në ambientet e Komunës së Deçanit.
Ky takim simbolik është një mundësi për të ndarë ide, për të dëgjuar mendimet tuaja dhe për t’i falënderuar të gjithë ju që, pavarësisht distancës, nuk e harroni asnjëherë vendlindjen.
Institucionet komunale janë të hapura dhe në dispozicion të plotë për të ofruar mbështetje, informacione dhe shërbime që do t’jua lehtësojnë qëndrimin gjatë kohës sa jeni në Deçan.
Kontributi juaj për vendlindjen është i pazëvendësueshëm faleminderit për gjithçka që bëni, veçanërisht për komunën tonë të dashur, Deçanin!
