Për të tretën herë radhazi sot qytetarët e Komunës së Deçanit, kanë protestuar me në kundërshtim të vendimit të dhomës së posaçme të gjykatës supreme të Kosovës në bazë të cilit 23 hektar tok do ti takonin Manastirit .
Në emer të këshillit organizativ protestueseve ju ka drejtuar Adem Lushaj, ku nder të tjera tha se kjo pjesëmarrje e juaj në këtë protestë, që është e treta me radhë, është përgjigjja më e mirë ndaj deklaratave të pa matura dhe të pa pranueshme, të atyre që janë në përkrahje të vendimeve politike dhe diskriminuese. Kjo pjesëmarrje e juaj, është përkrahja më e mirë që i bëhet Këshillit organizativ, që iu bëhet shoqërisë civile dhe subjekteve politike. Po ashtu, kjo protestë, është një përkrahje e fuqishme e qëndrimeve të kryetarit të kësaj komune, Rasim Selmanaj, i cili me të drejtë, vendimin e Dhomës së Posaçme e ka vlerësuar si vendim politik, që ka zanafillën në vendimet e ish qeverisë së kriminelit Millosheviqit.
Edhe njëherë, iu bëjmë me dije të gjithë atyre që janë të brengosur për monumentet fetare dhe kulturore, se deçanasit janë ata që i kanë ruajtur dhe do ti ruajnë këto monumente fetare, si vlera të trashëgimisë sonë dhe kurrsesi presionet diplomatike dhe r uzurpimet e pronave, të cilat do të pengojnë zhvillimin e kësaj komune. Mirëpo, përkundër asaj, që respektojmë institucionet tona të drejtësisë, respektojmë vlerat e trashëgimisë sonë, përsëri konfirmojmë qëndrimet tona, se nuk kemi prona për të falur, dhe aq më pak kur këto falen nga regjimet gjenocidiale të Serbisë.
Nga këtu i bëjmë thirrje personelit të manastirit të Deçanit, që të funksionoj sipas misionit të tyre fetar, duke hequr dorë nga pretendimet uzurpuese, të heq dorë nga pengimi i lirisë së lëvizjes, sepse Kosova tani më është shtet, kurse manastiri është një vlerë shtetërore i cili nëse i përmbahet misionit të vet fetar, gjithmonë do ketë përkrahjen e shtetit dhe qytetarëve të këtij vendi.
Kërkojmë nga Ambasada e Shteteve të Bashkuara, por edhe të shteteve tjera mike, që janë në Kosovë, të ndihmojnë Deçanin në realizimin e projekteve, dhe mos të imponojnë vendime politike, të dëmshme dhe të pa pranueshme për deçanasit. Ne iu jemi mirënjohës për kontributin e tyre që kanë dhënë dhe po japin për shtetin tonë, por, konsiderojmë se kjo është vijë e kuqe, ngase bëhet fjalë për pronën e cila në gjithë botën konsiderohet e shenjtë.
Ju bëjmë thirrje institucioneve shtetërore të Kosovës, gjithë spektrin politik të vendit, e veçmas institucioneve të drejtësisë, të mbrojnë Kushtetutën e vendit dhe Ligjet e saja, mos të bien pre e ndikimeve politike dhe presioneve të ndryshme dhe pazarllëqeve që bëhen në dëm të qytetarëve.
Protestuesve në emër të Grave Asambliste të Deçanit u është drejtuar edhe Sanie Thaqi e cila vendimin e dhomës së posaçme të Gjykatës supreme e ka quajtur vendim denigrues.Edhe kësja radhe kësja protestë i janë bashkuar zyrtar komunal nder ta edhe kryetari i komunës z.Rasim Selmanaj,dhe deputet të parlamentittë Kosovës .Nga këshilli organizativ i protestave u tha se më protesta të tilla do të vazhdojmë edhe më tutje .
