Sot, në prag të festës së 14-vjetorit të Pavarësisë së Kosovës, është bërë përurimi i objektit të ri të shkollës fillore “Heronjtë e Dukagjinit” në Gllogjan. Në përurimin e kësaj shkolle ishin të pranishëm kryetari i komunës z. Bashkim Ramosaj, ish kryeministri z. Ramush Haradinaj, zëvendës misnistri z. Dukagjin Popovci, drejtorë të drejtorive të Komunës, përfaqësues të Bashkësisë Islame, familjarë të dëshmorëve e qytetarë të tjerë.
Me investimet e bëra, objekti i ri ofron kushte shumë të mira për mësim, një ambient i ngrohtë dhe i përshtatshëm për nxënësit tonë.
E dimë qe edukimi është themeli i çdo shoqërie, pa përjashtim, andaj edhe ne si komunë po mundohemi të krijojmë kushte sa më të mira për edukimin e brezave të rinj.
Gëzimin për objektin e ri të shkollës më së miri e shprehën nxënësit e kësaj shkolle përmes një programi te shkurtër artistik.
Një falënderim të veçantë për këtë investim kemi për ish kryeministrin z. Ramush Haradinaj dhe ish Ministrin e Arsimit z. Shyqiri Bytyqi.
