Në kuadër të ditës së të pagjeturve të Kosovës 27 Prillit, Komisioni qeveritarë së bashkë me shoqatat e personave të pagjeturve, tash e sa ditë kanë nisur aktivitetet për shënimin e kësaj dite. Në kuadër të aktiviteteve ky komision ka bërë vizita në disa komuna të Kosovës, ku veç takimeve me zyrtarë komunalë kanë vizituar edhe familjarë të personave të pagjetur. Të prirë nga Prend Gjeta ky komision ka qëndruar sot në Komunën e Deçanit.
Në mungesë të Kryetarit Rasim Selmanaj, I cili ndodhet për visit zyrtare jashtë shtetit, ata janë pritur nga Nezir Balaj zyrtarë për riatdhesim dhe integrime evropiane. Prend Gjeta kërkoji që edhe komuna e Deçanit të formoj komisionin dhe zyrtarin përkatës për personat e pagjetur, ky komision I cili I mungon Komunës së Deçanit do ti ndihmonte fillimisht familjeve të të pagjeturve që të përfitojnë benefitet e tyre në bazë të ligjit në fuqi, mirëpo do ti ndihmonte edhe komisionit qeveritarë, dhe Institutit për krime lufte që të kryejnë punën e tyre në zbardhjen e fatit të të pagjeturve të Kosovës, numri I të cilëve përfshirë edhe të pagjeturit e komunës sonë është 1 mijë e 750. Nga zyrtarët komunal të Deçanit, u bë e ditur se ky komision lokal do të formohet në afatin sa me të shkurtër. Kurse sa i përket asaj se çfarë ka bërë komuna jonë për të pagjeturit, u tha se janë ndërtuar lapidare,në disa fshatra ku janë gdhendur emrat e të të pagjeturve, por se kjo është vetëm një simbolikë. Pas takimit zyrtarë Komisioni ka bërë vizita në disa familje të personave të të pagjeturve në Komunën e Deçanit.
