Mbledhjen e udhëhoqi Kryesuesi i Kuvendit, z. Hajdar Sutaj, ndërsa i pranishëm ishte edhe Kryetari i Komunës, z. Bashkim Ramosaj. Të pranishëm ishin anëtarët e Kuvendit Komunal, drejtorët e drejtorive, si dhe zyrtarë të tjerë komunalë.
Rendi i ditës:
1. Shqyrtimi dhe miratimi i transkriptit nga mbledhja e kaluar;
2. Dhënia e betimit solemn të anëtarëve të Kuvendit: Alberina Lokaj, Faruk Hasaramaj dhe Fekri Qufaj;
3. Themelimi i KKSB-së;
4. Shqyrtimi dhe miratimi i Planit të Punës së KKSB-së për vitin 2026;
5. Shqyrtimi dhe miratimi i Listës së përgjithshme të pronave të paluajtshme të komunës dhe listës së veçantë të pronave që planifikohen për dhënie në shfrytëzim gjatë vitit 2026;
6. Shqyrtimi i Draft-Rregullores për taksa komunale;
7. Shqyrtimi dhe miratimi i raportit të vlerësimit të dëmeve të shkaktuara nga fatkeqësitë natyrore (vërshimet);
8. Shpronësimi i pronës së Isuf Alickaj për hapjen e rrugës për fshatin Bellë (materiali në kopje fizike gjendet me materialet e mbledhjes së datës 29.01.2026);
9. Shqyrtimi i kërkesave për këmbim të pronave private me pronën komunale;
10. Rishqyrtimi i vendimit të datës 29.01.2026 për themelimin e Komitetit për Politikë dhe Financa (përfaqësimi gjinor nga grupi i LDK-së);
11. Shqyrtimi i ligjshmërisë për barazi gjinore në Komitetin për Komunitete;
12. Ndarja e shumës prej 7,500 euro për memorandum bashkëpunimi nga Drejtoria e Arsimit me një fondacion për pajisjen e shkollave në Komunën e Deçanit me pajisje dhe teknologji informative;
13. Të ndryshme.
Në pikën 10, Kuvendi e shqyrtoi, por nuk e miratoi ndryshimin në Komitetin për Politikë dhe Financa.
Po ashtu, u shqyrtua pika për ligjshmërinë dhe barazinë gjinore në Komitetin për Komunitete, por nuk mori miratimin e Kuvendit.
Në kuadër të pikës 12, Kuvendi miratoi ndarjen e 7,500€ për memorandum bashkëpunimi të Drejtorisë së Arsimit me një fondacion, me qëllim pajisjen e shkollave me teknologji informative.
Në pikën “Të ndryshme”, pati pyetje dhe diskutime nga asamblistët lidhur me çështje që preokupojnë qytetarët e Komunës së Deçanit, për të cilat u dhanë përgjigje nga ekzekutivi komunal.
