Sot në një takim që zhvilluam me Këshillin Organizativ, përcaktuam agjendën e aktiviteteve që do të mbahen më 16 Prill, në nderim të përvjetorit të rënies heroike të luftëtarëve të Ushtrisë Çlirimtare të Kosovës: Shkëlzen Haradinaj, Fatmir Nimanaj, Hasim Halilaj dhe Luan Nimanaj.
Deçani dhe e gjithë Kosova do të jenë gjithmonë mirënjohëse për bijtë më të mirë që patëm. Kujtimi për ta na bën çdo ditë më krenarë dhe na obligon të punojmë me përkushtim për Kosovën që ata e ëndërruan dhe e mbrojtën me gjak.
Agjendën me aktivitetet do ta bëjmë publike shumë shpejt.
Lavdi e përjetshme dëshmorëve të kombit!
