Sot, në praninë e shumë qytetarëve, përfaqësues të këshillave të fshatrave dhe lagjeve urbane, drejtorë shkollash, përfaqësues të bizneseve, fermerëve, shoqërisë civile dhe OJQ-ve, u mbajt takimi i parë publik për gjashtëmujorin e parë të vitit 2025 – takim i paraparë me ligj.
Takimin e hapi kryesuesi i Kuvendit Komunal, z. Hajdar Sutaj.
Kryetari i Komunës, z. Bashkim Ramosaj, paraqiti raportin e punës për këtë periudhë, ku prezantoi, angazhimet e zyrës së Kryetarit, punën e të gjitha drejtorive komunale, projektet e realizuara dhe ato në zhvillim, prioritetet dhe synimet për pjesën e mbetur të vitit.
Takimi ishte një mundësi e drejtpërdrejtë për komunikim, ku qytetarët parashtruan pyetje dhe shqetësime, të cilave iu dha përgjigje nga kryetari dhe ekzekutiv.
