Sot, Drejtori për Bujqësi, z. Rifat Stojkaj, së bashku me shefin e sektorit të bujqësisë, z. Bajram Dervishaj, dorëzuan te Kryetari i Komunës, z. Bashkim Ramosaj, Projektin për mbështetje të fermerëve me mekanizëm bujqësor.
Në kuadër të këtij projekti, fermerët do të përkrahen me:
-Motokultivatorë
-Shpërndarëse plehu
-Centrifuga dhe koshere për bletari
-Makina mjelëse
Kjo thirrje është pjesë e angazhimit të vazhdueshëm për zhvillimin e bujqësisë në komunën tonë. Vetëm nga viti 2022 e deri më sot, janë përkrahur mbi 400 fermerë, janë shpërndarë 100 krerë lopë qumështore, si dhe janë ndërtuar 55 sera për kultivimin e perimeve.
Thirrja për aplikim hapet më 28.07.2025 dhe qëndron e hapur deri më 15.08.2025.
Aplikimet pranohen në zyrat e Drejtorisë për Bujqësi.
Me përkushtim për të ndihmuar fermerët tanë sepse bujqësia është shtylla e zhvillimit ekonomik!
