Sot në Deçan u mbajt Mbledhja Inauguruese e Kuvendit të Komunës, një moment me rëndësi të veçantë për institucionet dhe qytetarët tanë. Në këtë mbledhje u bë betimi i anëtarëve të rinj të Kuvendit të Komunës, si dhe betimi i Kryetarit të Komunës, z. Bashkim Ramosaj, duke shënuar fillimin e një mandati të ri institucional dhe përgjegjësie publike.
Gjithashtu, gjatë mbledhjes u zgjodh Kryesuesi i Kuvendit, z. Hajdar Sutaj, i cili do të udhëheqë punimet e Kuvendit në këtë mandat.
Kryetari Ramosaj i uroi suksese të gjithë anëtarëve të rinj, duke theksuar rëndësinë e bashkëpunimit, transparencës dhe përkushtimit në shërbim të qytetarëve.
Ai u zotua se institucionet komunale do të vijojnë punën me përgjegjësi të lartë, me vizion të qartë zhvillimor dhe me vëmendje të veçantë ndaj nevojave të komunitetit, duke synuar përmirësimin e vazhdueshëm të shërbimeve publike.
Komuna e Deçanit uron të gjithë të zgjedhurit suksese në detyrat e tyre dhe shpreh bindjen se puna e përbashkët do të sjellë rezultate të mira për qytetarët tanë.
