Sot u mbajt mbledhja e radhës e Komitetit për Politikë dhe Financa, e udhëhequr nga kryesuesi i Kuvendit Komunal, z. Hajdar Sutaj. Në këtë mbledhje morën pjesë anëtarët e KPF-së si dhe zyrtarë komunalë.
Në rend dite ishin këto pika:
1. Shqyrtimi dhe miratimi i procesverbalit nga mbledhja e kaluar;
2. Raporti gjashtëmujor i punës së Kryetarit të Komunës;
3. Shqyrtimi i raportit financiar për tremujorin e dytë;
4. Shqyrtimi i raportit të auditimit të jashtëm për vitin 2024 dhe plani i veprimit për zbatimin e rekomandimeve të Zyrës Kombëtare të Auditimit;
5. Shqyrtimi i raportit gjashtëmujor të Zyrës për Barazi Gjinore;
6. Raporti i Këshillit Komunal për Siguri në Bashkësi (KKSB);
7. Shqyrtimi i draft-rregullores për organizimin e brendshëm dhe sistematizimin e vendeve të punës në administratën komunale;
8. Shqyrtimi i Planit Ndërkomunal për Menaxhimin e Integruar të Mbeturinave (PNMIM) për komunat e rajonit të Dukagjinit: Pejë, Klinë, Istog, Deçan dhe Junik;
9. Marrja e vendimit për ndarjen e mjeteve financiare në vlerë prej 30,000.00 €, për realizimin e Memorandumit të Mirëkuptimit ndërmjet Komunës së Deçanit, NPL “Higjiena” dhe Fondacionit CNVP, për instalimin e sistemit të ngrohjes qendrore me bazë biomasën;
10. Marrja e vendimit për pagesën bazuar në memorandumin e bashkëpunimit me Shtëpinë për Mirëqenien e Gruas – Pejë;
11. Shqyrtimi i kërkesave;
12.Të ndryshme.
Të gjitha pikat e rendit të ditës u votuan nga anëtarët e KPF-së te gjitha pikat kaluan në mbledhjen e Kuvendit Komunal që do të mbahet më 31.07.2025.
