Komuna e Deçanit ka nis aktivitete për shënimin e ditëve të Dëshmoreve 5 dhe 6 majit. Sot është mbajte seancë solemne ku fillimisht të pranishmit i ka përshëndet kryesuesi i Asamblesë dr.Haki Shehaj, duke e vlerësuar lartë vlerën më sublime të popullit shqiptar at që i solli Lirinë, djemtë dhe vajzat më të mira që jetën ja falen këtij vendi vlerën e UÇK-së. Çmimi i Lirisë ishte vërtet i shtrenjtë , më shumë mund , gjak e sakrifica , por mbetet faqe e shndritshme dhe e lavdishme e historisë tonë kombëtare .Deçani luftës se UÇK-së i dha mijëra luftëtarë të devotshëm , komandant të shquar , gjeneral të shquar e dhjetëra heronjë tha ai.
Ndërsa kryetari Ramosaj tha se : përpjekjet disashekullore i kanë dhënë vendit vlerën më madhështore , e që është Ushtria Çlirimtare e Kosovës , vlerë kjo që duhet të ruhet e te mbrohet nga gjithsecili duke shtuar se kushdo që mundohet ta mohoi këtë vlerë nuk do të arrij askund.
Duke kujtuar kontributin e të gjithë brezave dhe luftën e lavdishme të UÇK-së ,Ramosaj tha se mbi to është ndërtuar edhe bashkëpunimi me shtetet aleate të NATO-s.
‘’Liria është një vlerë që nuk ka çmim ,që krijohet nga një vlerë kombëtare , nga një vazhdimësi shumë e madhe ndër shekuj për të ardhur deri këtu .Dhe po ashtu , me gjithë këto përpjekje më këta dëshmorë e këtë sakrificë që ne sot po mundohemi me e nderu, dhe respektu , ka lindur një vlerë e shenjët , kjo vlerë duhet me u mbrojt ,dhe duhet të ruhet .Prandaj është vlerë , është UÇK.
Njeriu që në ketë vend ka mu mundu me fy dhe me bastardu ketë vlerë , nuk ka më arrit diçka. Sepse mbi gjithë kontributin e këtyre brezave , e lëvizjeve të kohës e deri tek UÇK-ja, është kulmi më madhor i këtij kombi. Mbi këtë brez , mbi këtë ushtri ,bashkëpunojmë edhe me shtetet aleate të NATO-s dhe kemi arritur çlirimin e këtij vendi ‘’ tha Ramosaj.
Komuna e Deçanit ka 229 dëshmorë, ndërsa për të nderuar ata sot po bëhen homazhe pranë varreve të tyre dhe pranë lapidarëve të heronjve.
