Zyra e Kryetarit
Nr. 02- Zyrtarisht
Dt.13.04.2020
Ne bazë te nenit 13 te Ligjit për Vetëqeverisje Lokale Nr.03/L-040, nenit 13 paragrafi 3 të Ligjit për Shëndetësi Nr. 04/L-125, nenit 4.1, 8.2 dhe 41.2 te Ligjit për Parandalimin dhe Luftimin e Sëmundjeve Ngjitëse Nr. 02/L-109, Planit te Reagimit Kombëtare, mbi përgjegjësitë e Kryetarit te Komunës dhe nenit 56 pika 19 e Statutit te Komune së Deçanit, pas shqyrtimit te situatës lidhur me parandalimin e Pandemisë Covid -19, pas takimit me Shtabin Komunal për Menaxhimin e Emergjencës Shëndetësorë, Kryetari Komunës bie ketë:
V E N D I M
1. Me këtë vendim ndalohet, në tërë territorin e komunës së Deçanit furnizimi sipas porosive On-Line (posta e shpejtë).
2. Ndalohet veprimtaria ndërtimore e të gjitha ekonomive familjare të cilat janë duke zbatuar kontrata ndërtimore me pune-kryes që janë jashtë komunës së Deçanit, të gjitha këto aktivitete janë të ndaluara deri në një njoftim të radhës.
3. Ndalohet veprimtaria ndërtimore operatoreve ekonomik që kanë kontrate me komunën e të cilët sjellin nën-kontraktorë nga qytetet tjera të Republikës së Kosovës, për të kryer punët në komunën e Deçanit sipas kontratës. Përveç ne rrethana te domosdoshme sipas vlerësimit te Shtabit Komunal.
4. Ndalohet çdo shërbim nëpër makete, farmaci, furra, pompa të derivateve dhe operatoreve tjerë që janë të lejuar të punojnë në këtë kohe, nëse nuk i zbatojnë masat mbrojtëse e sidomos mbajtjen e distancës sociale.
5. Vendimi hyn ne fuqi nga momenti i nënshkrimit te kryetarit te komunës dhe për zbatimin tij pakujdesen:
Policia e Kosovës – Stacioni Policore në Deçan
Inspektorati i Komunës.
Arsyetim: me qellim te tejkalimit te gjendjes se krijuar nga virusi Corona pa dashur qe ta stigmatizojmë askënd, komuna e Deçanit është e detyruar ta nxjerr këtë vendim si masë mbrojtëse.
Ne vazhdim gjate ditës do ju njoftojmë me rekomandimet e dalura sot nga takimi i Shtabit Komunal Emergjent.
Me këtë vendim njoftohen:
1. Të gjithë qytetarët e Deçanit
2. Policia e Kosovës
3. Inspektorati Komunal
4. Arkiva e Komunës
