Sot, në Komunën e Deçanit, u mbajt seanca informuese e udhëhequr nga Enver CACAJ, Zyrtari Përgjegjës për Pranimin dhe Trajtimin e Sinjalizimeve, njëherësh edhe Menaxher i Burimeve Njerëzore. Ai i njoftoi të pranishmit për domosdoshmërinë e kësaj seance dhe mbi bazën ligjore: Ligji Nr. 06/L-085 për Mbrojtjen e Sinjalizuesve (neni 3 “Përkufizimet”, pika 1.10 “Zyrtari përgjegjës”; neni 4 “Parimet e përgjithshme të detyrave dhe përgjegjësive të zyrtarit përgjegjës”; neni 5 “Zyrtari përgjegjës”; neni 6 “Detyrat e zyrtarit përgjegjës”) dhe Rregullorja (QRK) Nr. 03/2021 për Përcaktimin e Procedurës për Pranimin dhe Trajtimin e Rasteve të Sinjalizimit, sipas njoftimit të datës: 22 prill 2025, ku ishin të njoftuar për mbajtjen e kësaj seance informuese edhe Agjencia per Parandalimin e Korrupsionit (APK).
Seanca u zhvillua në koordinim me Agjencinë për Parandalimin e Korrupsionit, me pjesëmarrjen e zyrtarëve komunal, në sallën e konferencave (kati III) të objektit të Komunës së Deçanit, nga ora: 10:30h deri ne orën: 12:00h .
Enver CACAJ kërkoi bashkëpunim nga udhëheqësit dhe vartësit e tyre, ndërsa aktiviteti do t’i raportohet më tej Agjencisë për Parandalimin e Korrupsionit, të pranishmit bënë pyetje dhe morën përgjigje të detajuara rreth sinjalizimit.
