Deçani i veshur me flamuj kombëtar dhe në atmosferë festive, të hënën ka shënuar 30-vjetori e demonstratave të vitit 1981, të cilat kishin lëkundur themelet e ish-Jugosllavisë së atëhershme dhe u bënë udhërrefim i shtegtimeve drejtë lirisë që kulmojë me luftën çlirimtare.
Në fjalën e rastit, të mbajtur në Akademinë Përkujtimore, Nasim Haradinaj, pasi ka përkujtuar veprimtarinë e Lëvizjes kombëtare dhe ka përmendur emra të prijësve të saj, ka thënë se “ Pranvera e vitit 1981, ishte rrugëtim i sigurt i lirisë që po vinte, kurse në decenien e tretë po ndërtojmë shtetin më të ri në botë”. Ai duke iu rikthyer historisë, ka vlerësuar se familjet Gërvalla dhe Haradinaj, ishin bërthama që vente në lëvizje terë fuqinë çlirimtare jo vetëm në Deçan, por edhe më gjerë, ndërkohë ka nënvizuar e kurorë e të gjithë kësaj ishte lufta çlirimtare të cilës i bashkohet një popull i tërë.Pjesëmarrësve të kësaj Akademie, në të cilën ishin të pranishëm veprimtarë të Lëvizjes Kombëtare, familjarë të dëshmorëve dhe autoritete të komunave të Dukagjinit, për rëndësinë historike të “Pranverës 1981”, ka falur Rasim Selmanaj, kryetar i Komunës. “Pranvera e vitit 1981, ishte pikënisja e projektit më të madh të shekullit të 20-të, ku natyrisht edhe Deçani u bë pjesë e fuqishme e luftës për liri”, ka thënë ai, duke renditur figurat më emblematike të kësaj komune dhe më gjerë. “Demonstratat i vitit 1981, ishin një shpërthim i të rinjve dhe studentëve që vinin nga një zullum shekullor dhe një kanosje edhe për zhbërjen etnike të kombit tonë në Kosovë”, ka thënë, njeri nga prijësit e tyre, Hidajet Hyseni, i cili në vazhdim ka përkujtuar përpjekjet e të gjitha brezave për liri.”Flamurin e lirisë e mori rinia, studentët dhe pastaj i gjithë populli u bashkua në luftën e shenjët për liri”.Kështu e ka ndërlidhur Hyseni, këtë etapë të historisë sonë. Ndërkohë, është shprehur se kurrë më nuk do të lejojmë që të tjerët të vendosin për fatin dhe vendin tonë, sepse përgjithmonë do tu themi “jo” të gjithë atyre që synojnë ndarjen e vendit dhe “pazare” të tjera me Kosovën.Për merita të mëdha patritoke dhe atdhetare Shoqata e të Burgosurve Politik, ka ndarë çmimet “Ismajl Haradinaj”. Hidajet Hyseni dhe Islam Mustafaj, posmortum e kanë ndarë për Demë Ali Pozhari,Lan Selim Geci, Fazli Grajqevci, Metush Krasniqi, Met Hysen Mazrekaj, Rrustem Dukagjini dhe Yll Morina.
