Zyrtarisht sot është përuruar Ujësjellësi në fshatin Prejlep të Komunës së Deçanit.
Kryetari i Komunës së Deçanit z.Rasim Selmanaj, i shoqëruar me bashkëpunëtor të tij dhe banor të këtij fshati kanë bërë në mënyrë solemne përurimin e ujësjellësit, në qendër të fshatit tek Lapidari i Dëshmorëve.
Kryetari i Komunës së Deçanit z.Rasim Selmanaj, duke i uruar banoret e Prejlepit për ujësjellësin, ka deklaruar se projekti i ujësjellësit për 10 fshatrat e Komunës së Deçanit është duke shkuar drejt finalizimit të tij “ Ne sot po e përurojmë ujësjellësin e fshatit Prejlep, brenda pak ditësh do të bëjmë edhe përurimin e ujësjellësit në fshatrat e tjera të këtij rajoni ne Rastavic dhe Prokolluk .
Ashtu edhe siç kemi premtuar këto dhjetë fshatra do të kenë uji të pijes. Unë edhe sot dua ta falënderoj Qeverinë e Republikës së Kosovës , që na dha mbështetje që me bashkëfinancim ta realizojmë këtë projekt shumë jetik për banorët e Prejlepit por edhe fshatrave të tjera.” Tha me këtë rast kryetari Selmanaj.
Në anën tjetër banoret e Prejlepit shprehen falënderimet e tyre ndaj institucioneve lokale e vendore që u mundësuan që ata nga sot e tutje të kenë uji të pijes .
Fikri Qufaj në emër të rreth 2 700 banorëve sa ka ky fshat ka thënë se deri me tani jeta e tyre ka qenë mjaftë e vështir në mungesë të ujit “ Siç dihet ne si banor të Prejlepit kemi përdor me vite ujin e puseve për pije, dhe për shkak të terrenit në mes të verës edhe puset shtereshin dhe pothuajse i gjithë fshati ishim me mungesë të ujit për pije.
Të flasë për të gjitha vështirësitë që i kemi pas si banorë në mungesë të ujit na duhet shumë kohë, dhe do të na prishte lumturin qe e kemi sot gjithë banorët . Prandaj i jemi mirënjohës Kryetarit të Komunës z.Rasim Selmanaj, dhe të gjithë bashkëpunëtorëve të tij që na e mundësuan që ne të kemi uji të pijes. “ tha Qufaj
Ndryshe fshati Prilep numëron mbi 300 shtëpi më 2700 banorë , dhe nga sot të gjitha këto familje do të kenë furnizim të rregullt me uji të pijes.
