Në qytetin e Deçanit sot valëviteshin flamujt kuq e zi , rrugët ishin të mbushur më qytetar të shumtë dhe nxënës , ata kishin daluar për të pritur kortezhin që do të parakalonte përmes qytetit më eshtrat e heroit kombëtar Isa Boletini dhe garden en derit .Rrugët ishin të mbushura deri në fshatin Isniq , në vendlindjen e të parëve të heroit Isa Boletini , aty u organizua edhe një tubim ku është folur për trimërinë e heroit Isa Boletinin.I pari i komunës z.Rasim Selmanaj tha se Isniqi e Deçani, janë të nderuar dhe krenar sepse prapë Baca Isë , është me ne si dikur .
Përjetësisht i gjallë është mes nesh gjenerali i Shqipnis, prandaj mirë se erdhe prapë Baca Isë në Isniqin e Isuf Bardhoshit dhe shumë luftëtarëve tjerë të këtij vendi ! Isa Boletini, ishte një ndër figurat më të ndritshme të kombit shqiptar, përkrahësi më i devotshëm i plakut të Vlorës, Ismail Qemalit, luftëtari më i denjë për mbrojtjen e tokave shqiptare, i vrarë pabesisht në Mal të Zi më 1916.
Në 100 vjetorin e Pavarësisë së Shqipërisë dhe 5 vjetorin e pavarësimit të Kosovës,pra 3 vjet me parë Baca Isë ishte kthyer , përjetësisht në bronz , në fshatin e të parëve të tij, në Isniqin e burrave e të kuvendeve kombëtare, në vendin prej të cilit vetëm pak ditë para se të ngritej flamuri në Vlorë, me bashkë luftëtarët e tij, kishte nisur rrugëtimin e largët për të qenë përkrah Ismail Qemalit.I caktuar si delegat për Kuvendin e Vlorës, prej këtu, Isa Boletini ishte nisur me qindra luftëtarë të tij për të marrë pjesë në aktin më madhor të kombit shqiptar, në aktin e shpalljes së pavarësisë së Shqipërisë.Atë kohë, me rrugëtimin e tij të gjatë, Isa Boletini, po përpiqej të bënte më të shkurtër rrugën e ribashkimit të tokave shqiptare, të cilat, pas rënies së Perandorisë Osmane, po gllabëroheshin nga shtetet fqinje dhe po ndaheshin padrejtësisht edhe me bekimin e fuqive të kohës. Me rrugëtimin e tij, duke çarë rrethimet e serbëve për të mbërritur me kohë në Vlorën e Ismail Qemalit, luftëtari i denjë i çështjes shqiptare, “Gjenerali me qeleshe të bardhë”, siç do ta pagëzonte diplomacia londineze, Isa Boletini po barte mesazhin për armiqtë e shtetit natyror të shqiptarëve se “Shqipnia ka qenë dhe duhet te jetë një shtet”.Thënia e Isa Boletinit: “Unë jom mirë kur o mirë Shqipnia ” edhe një shekull pas rrezaton po të njëjtën porosi, si në kohën kur ai e kishte thënë me gojë të vet. Kjo thënie dhe lufta e Isa Boletinit ishin motive për Adem Jasharin, Luan e Shkëlzen Haradinin, Zahir Pajazitin e Edmond Hoxhën, Sali Çekun e Rrustem Bruçin, si dhe për të gjithë luftëtaret e tjerë të Ushtrisë Çlirimtare të Kosovës, gjaku i të cilëve bëri realitet pavarësinë e Kosovës. Shqipëria dhe Kosova, të gjendura në rrethana krejtësisht të reja, megjithatë sot duhet bashkërenduar veprimet e veta në sendërtimin e idealeve të Ismail Qemalit, Isa Boletinit, Hasan Prishtinës , Sylejman e Beqir Agë Vokshit dhe të shumë figurave të mëdha kombëtare.
Në emër të fshatit Isniq ka folur Ismet Kuleci, i cili nder të tjera tha se Isa Boletini asnjëherë nuk pranoi poste ndonëse ato iu ofruan ai kishte për qellim bashkimin e Shqipërisë.Isa Boletini në kullat e Isniqit shpeshherë mbajti edhe takime me rëndësi kombëtare .Vlen të ceket tubimi në kullën e Osdautajve në prill të vitit 1910, ku mblodhi krerët e kombit për pajtim dhe kryengritje të përgjithshme. Këtë tubim e kanë përshëndetur edhe nipi i Isa Boletinit Gazmend Boletini , Asllan Muarti nga Mitrovica si dhe Albin Kurti nga Levizja Vetëvendosje.
Eshtrat e heroit Isa Boletini do të qëndroni sot në Isniq , deri në orët e mbremjës do të behën homazhe më pastaj do të vendosën në pallatin kulturës në Isniq ndërsa nesër do të rrugëtojnë për në Prekaz. Ceremonia e varrimit të eshtrave të heroit Isa Boletini do të behët më 10 Qershor në Boletin të Mitrovicës.
