Qytetarët e Deçanit, festën e 1 majit e kanë shënuar me përurimin e shëtitores së qytetit, e cila ka qenë kërkese e kamotshme e qytetarëve të këtushëm.
Në një atmosferë festive, z.Rasim Selmanaj, kryetar i komunës së Deçanit, dhe një numër i madh i qytetarëve, ka bërë përurimin e shëtitores së parë të qytetit. Rruga “Sali Çeku”, në qendër të qytetit, e ndërtuar vitin e kaluar me të gjitha standardët evropiane, me dy krosi, trotuare dhe hapësira të gjelbëruara tutje do të jetë në shërbim të shëtitjes për qytetar gjatë orëve të mbrëmjes duke filluar nga ora 18:00 deri në orën 22:00. Megjithëkëtë, është kërkesë e qytetarëve që kjo shëtitore në ndërkohë të shtrihet edhe përgjatë rrugës që shpie në drejtim të Manastirit të Deçanit.
