Kryetari Ramosaj nisi ditën me djemtë e shkollës fillore “Maxhun Çekaj” nga Irzniqi, të cilët gjatë vitit shkollor 2024/25 kanë arritur suksese të jashtëzakonshme në gara sportive, duke na bërë krenarë të gjithëve. 
Në garat komunale, ata fituan vendin e parë në ping pong, futboll, volejboll dhe hendboll. Nuk u ndalën me kaq, duke triumfuar edhe në garat regjionale ku arritën të zënë vendin e parë në ping pong, volejboll dhe hendboll.
Krenaria më e madhe erdhi në nivel republikan, ku ekipi i volejbollit doli kampion, duke përfaqësuar jo vetëm shkollën dhe komunën tonë, por edhe gjithë regjionin me dinjitet dhe sukses.
Urime këtyre të rinjve të talentuar për rezultatet mbresëlënëse! Falënderim i veçantë për mësimdhënësit dhe stafin e shkollës për përkrahjen dhe përkushtimin e vazhdueshëm. Komuna e Deçanit është krenare me ju.
