Me motivacion për kontribut të shquar ne shkencë , politikë dhe diplomaci sot është shpallë ,,Qytetar Nderi i Deçanit’’ Dr.Islam Lauka ish Ambasador i Republikës së Shqipërisë në Kosovë nga kryetari i komunës z.Rasim Selmanaj Më një ceremoni të organizuar nën përkujdesjen e Kryetarit të Komunës se Deçanit, z.Rasim Selmanaj , Dr.Islam Lauka, ish Ambasador i Shqipërisë në Kosovë i është ndarë titulli “Qytetar Nderi i Deçanit” të pranishëm në këtë ceremoni të organizuar ishin i pari i Komunës së Deçanit z.Rasim Selmanaj, nënkryetar z.Sami Cacaj Qytetari me i ri i Nderit i Deçanit, Dr.Islam Lauka, ish Ambasador i Shqipërisë në Kosovë i shoqëruar nga bashkëshortja zonja/ Fatbardha Lauka,Zonja -Ilda Zhulali, Këshilltarë politike e Presidentit të Republikës se Shqipërisë z.Bujar Nishani, z.Aldo Bumqi, ish Ministër i Punëve të Jashtëm i Republikës se Shqipërisë dhe aktualisht deputet i Kuvendit të Shqipërisë, kryetar i shoqatës miqtë e Amerikës z.Agim Rexhepi Prof.Jashar Demiri dhe personalitete tjera.
Në emër të strukturave komunale ka fol kryesuesi i Asamblesë Komunale z.Jashar Dobraj ai ndër të tjera tha se në pajtueshmëri të plot me ligjin e vetëqeverisjes lokale Nr-03/L040 neni 40 pika 2 dhe nenit -25 pika 19 e statutit të komunës se Deçanit me propozim te lidhjes se Historianeve të Kosovës ,,Ali Hadri’’ dega ne Deçan dhe Shoqatës se Intelektualëve te pavarur në Deçan , më përkrahjen e kryetarit të Komunës z.Rasim Selmanaj kuvendi i komunës së Deçanit ne mbledhjen e mbajtur me 29.07.2016 bije këtë vendim: Shpallë Qytetar nderi i komunës së Deçanit ish Ambasadorin e Republikës së Shqipërisë në Kosovë Dr.Islam Lauka .
Me motivacion për kontribut të shquar ne shkencë , politikë dhe diplomaci kështu tha kryesuesi i Asamblesë komunale z.Jashar Dobraj .
Kjo ceremoni e organizuar sot dhe nderi që i bëni ju ish Ambasadorit Lauka na bën të ndihemi mirë dhe më afër Deçanit Heroik , Deçanit të vlerave traditës dhe kulturës kështu tha z. Aldo Bumqi, ish Ministër i Punëve të Jashtëm i Republikës se Shqipërisë dhe aktualisht deputet i Kuvendit të Shqipërisë.
Titullit “Qytetar Nderi i Deçanit” për Dr.Islam Lauka, e ndau i pari i komunës z.Rasim Selmanaj , ku nder të tjera tha se është nder që në mesin tonë sot kemi Dr.Islam Lauken , një njeri me vlera të larta e që dha shumë për çështjen kombëtare në të gjitha periudhat .Për aq sa ishte Ambasador në Kosovë në kemi organizuar një serë ngjarjesh me rendësi se bashku tha Selmanaj.
Edhe vet Dr.Islam Lauka , pasi pranoi titullin ,,Nderi i Qytetit të Deçanit’’ tha se Deçani është shtyllë e Shqiptarisë , unë nuk mund ta dalloi Deçanin nga Lezha nga Kruja e qytete tjera , Deçani në të gjitha kohërat ka ruajtur , vlerën , traditën burrërinë , dhe trimërinë. Unë jam shumë më fate që nga sot bartë edhe një përgjithësi e kjo është nder për mua që ter jetën do të jem edhe banorë i qytetit të Deçanit .
Një biografi e shkurtër e Dr.Islam Lakua
Biografia e ish Ambasadorit, angazhimet e tij për shtet bërjen e Kosovës, vlerat e tij kombëtare, janë vetëm disa nga tiparet me të cilat çmohet lartë nga institucionet komunale, subjektet politike e jo politike, e mbi të gjitha nga qytetarët e Komunës së Deçanit. Nga Biografia e begatë, do të shkëpusim vetëm një pjesë të jetës dhe veprimtarisë së tij politike-shkencore, e mbi të gjitha ato kombëtare.Islam Lauka, ka lindur më 18.06.1954 në Pac, Tropojë-Shqipëri, ku edhe përfundoi arsimin 8-vjeçar. Shkollën e mesme dhe atë të lartë (dega e gjuhëve të huaja), ka kryer në Tiranë, me rezultate të shkëlqyera. Pasi punoj për disa vite në arsim në fshatra të Tropojës, Në shtator 1985, u transferua në Tiranë, në Ministrinë së Punëve të Jashtme, ku në vitin 1991 emërohet Sekretar i Parë i kësaj Ministrie, e më vonë i ngarkuar me punë i Ambasadës së Shqipërisë në Moskë. Pavarësisht se ku ka punuar dhe çfarë funksionesh ka pasur, Lauka ka punuar dhe jetuar me Kosovën dhe për Kosovën. Në vitin 1978, në kuadër të njëqind vjetorit të Lidhjes së Prizrenit, u përfshi në aksionin për evidentimin dhe ndriçimin e jetës dhe veprës së figurave te shquara të trevës verilindore, qe morën pjesë në mbledhjen e Lidhjes, apo në luftërat e organizuara prej saj.Në vitin 1983, organizoi dhe drejtoi konferencën kombëtare për edukimin me traditat atdhetare, ku vend qendror zuri çështja e Kosovës. Në disertacionin e doktoratës në Moskë, mbrojti shkencërisht autoktoninë e shqiptarëve të Kosovës, si dhe argumentoi domosdoshmërinë e ndërhyrjes së komunitetit ndërkombëtar për të parandaluar një Srebrenicë të dytë, duke demaskuar qëndrimet ruse lidhur me çështjen e Kosovës, si krejtësisht të njëanshme, antishqiptare e pro serbe. Dr. Islam Lauka në vitin 2009, emërohet Ambasador i Shqipërisë në Kosovë, ku qëndroj deri në vitin 2014, ku ka kryer edhe detyrën e Dekanit të Trupit Diplomatik të akredituar në Prishtinë. Pas përfundimit të mandatit të tij si ambasador, transferohet në Tiranë në Ministrinë e Punëve të Jashtme, me gradën Ministër Këshilltar, detyrë që kreu deri në mars të vitit 2015, ku më pas angazhohet si ligjërues i marrëdhënieve ndërkombëtare në Universitetin për Biznes dhe Teknologji (UBT) në Prishtinë. Aktualisht, është President i Qendrës Shqiptare të Studimeve Amerikano-Britanike dhe Drejtor i Institutit Shqiptar të Studimeve Politike.Në vitin 1994, në Akademinë Diplomatike të Moskës, mbrojti gradën shkencore “Doktor i Politologjisë”, me disertacionin “Evolucioni i problemit të Kosovës dhe gjendja e tij aktuale”.
Është autor i librave:
§ “Kosova, rast universal apo sui generis” ( shqip, anglisht, arabisht, rumanisht)
§ “ Evolucioni i problemit të Kosovës dhe gjendja e tij aktuale”.(rusisht)
§ “Shkëputja e Kosovës nga Rusia” (shqip, anglisht)
§ “Kosova e pavarur ose dështimi i kryqëzatës ruso-serbe”
Si dhe bashkautor :
§ “Shqipëria në arkivat ruse”
“Antologjia e kryqëzimit: qëndrimi rus ndaj çështjes shqiptare, 1878-2012”.
