Sot, Drejtori për Zhvillim Ekonomik, z. Isuf Demhasaj, pati nderin të mirëpresë përfaqësues nga Agjencia Japoneze për Bashkëpunim Ndërkombëtar – JICA, si dhe nga Departamenti i Turizmit në Ministrinë e Industrisë, Ndërmarrësisë dhe Tregtisë.
Bashkëpunimi me JICA përfaqëson një mundësi të re për të avancuar zhvillimin e turizmit në komunën tonë, duke u mbështetur në përvojën e tyre ndërkombëtare dhe në projektet konkrete që ata realizojnë me sukses në shumë vende të botës.
Gjatë ditës, u zhvilluan disa takime me ekzekutivin e komunës, organizatat lokale, shoqërinë civile, si dhe u realizua një vizitë në fshatin Belle, ku u prezantua trashëgimia kulturore dhe potenciali natyror i zonës.
Një nga pikat kryesore të vizitës ishte prezantimi i kompleksit “Podi i Gështenjës” – një atraksion me rëndësi të veçantë për zhvillimin e turizmit vendor dhe ndërkombëtar.
Faleminderit JICA dhe Ministrisë së Industrisë, Ndërmarrësisë dhe Tregtisë për bashkëpunimin dhe mbështetjen!
