Dy projekte që do të kapin vlerën rreth 25 mijë euro, janë donacion I mërgimtarëve tanë që jetojnë dhe punojnë në Austri.

. Beslim Tahirsylaj tha së këto mjete dëshirojnë ti investojnë aty ku komuna për shkaqe të ndryshme nuk ka arritur akoma të bëjë investime “ Ne si mërgimtarë, duke dashur që ta ndihmojmë zhvillimin dhe ndërtimin e vendlindjes sonë, kemi vendosur që përmes Komunës ti bëjmë këto investime. Ne jem dakorduar që këto mjete të shkojnë në ato projekte që ju I konsideroni si prioritet” tha mes tjerash biznesmeni shqiptaro-austriak Beslim Tahirsylaj. Meqë bashkatdhetarët, paraprakisht kishin bashkëbiseduar edhe me përfaqësuesit e fshatit Isniq, kishin vendosur që gjysma e mjeteve të këtij donacioni të dedikohet për sheshin “Rrustem Bruqi” në këtë fshatë. Me këto mjete do të bëhet rregullimi I këtij sheshi, saktësisht do të bëhet rregullimi I murit të sheshit dhe elektrifikimi I sheshit. Ndërkaq gjysma e mjeteve të tjera u vendos që të dedikohen për ndërtimin e një shtëpie për familjet nevojtare. Si familje më më prioritet u tha së është e veja e ish luftëtarit të UÇK-së, Ajete Ukëhaxhaj, e cila së bashku e dy fëmijë tash e sa kohë jeton në një banesë me qiranë të cilën ja paguan Komuna e Deçanit. Këto dy projekte u tha së do të realizohen brenda pakë ditësh. Ndërkaq kryetari I Komunës Z. Rasim Selmanaj, duke falënderuar për këtë donacion mërgatën tonë tha “ Me lejoni që në emrin tim por edhe të të gjithë qytetarëve të Komunës së Deçanit, të shpreh falënderimet me të sinqerta, që jo vetëm sot por me vite mërgata ka ndihmuar komunën dhe qytetaret e komunës sonë. Mërgata jonë ashtu siç edhe si popull jemi human, ka treguar këtë humanizëm në periudha të ndryshme. Kërkoj nga ju dhe gjithë mërgimtaret tjerë që rrugën e humanizmit ta vazhdojmë edhe në të ardhmen. Por kërkesa jonë për ju të cilët punoni e veproni në boten e jashtme është që kapitalin tuaj ta sillni dhe të investoni në vendlindjen tuaj. Më investimet që mërgata do ti bënte në Komunën tonë, zhvillimi ekonomik dhe mirëqenia e qytetarëve do të ishte dukshëm më e mirë” tha mes tjerash z.Selmanaj.