Pas konkursit, të cilin ditë më parë e ka publikuar Drejtoria Komunale e Arsimit në Deçan, për zgjedhjen e drejtorëve në shtatë shkolla fillore të Komunës, sot zyrtarisht është përmbyll konkursi për pesë nga këto shtatë shkolla.
Shkollën fillore te mesme e Ulët “ Bajram Curri” në Strellc të Epërm, do të vazhdoj të menaxhoj Drejtori i deritanishëm Gani Malaj, edhe për një mandat komisioni i përberë nga tre anëtar, dy nga Komuna dhe një anëtar i MASHT-it i ka vazhduar postin e drejtorit Hysen Balaj, në shkollën fillore të mesme të Ulët“Dëshmoret e Kombit” në fshatin Strellc i Ulët.
Ndërkaq komisioni intervistues dhe vlerësues, ka zgjedhur tre drejtor të rinje, Mehdi Dodaj do të jetë drejtor në shkollën “Avni Rrustemi” në Irzni,shkollë kjo që është menaxhuar deri tani nga Shaban Zenaj, Shaban Mehmetaj është emëruar drejtor në shkollën “Isa Boletini”në Isniq shkollë në të cilën deri me sot ka qenë drejtor Miftar Hakaj,Kurse drejtorin e shkollës “Sylë Alaj” të Drenocit, Agim Alaj do ta zëvendësoj drejtori i ri Zeqir Nitaj. Ndërkaq, komisioni intervistues dhe vlerësues akoma nuk i ka emëruar dy drejtorët në dy shkolla, atë “Lidhja e Prizrenit” në Carrabreg dhe “Sylejman Vokshi “ në Prilep, këto dy emërtime pritet të ndodhin gjatë ditëve në vijim. Emërimet e reja i kanë nënshkruar sot drejtorët dhe kryetari i Komunës së Deçanit z.Rasim Selmanaj. Me këtë rast kryetari i Komunës së Deçanit z.Rasim Selmanaj, veç urimit për postin e drejtorëve , kërkoj nga ata një bashkëpunim të ngushtë, në të mirë të zhvillimit të arsimit në Komunën tonë “ Ne jemi këtu si të zgjedhur të popullit, për të bërë ndryshime, për të krijuar kushte me të mira në secilën sferë të jetës, e këtu hynë, edhe përmirësimi i infrastrukturës në shkolla, por edhe ngritja e cilësisë së mësimdhënies dhe mësimnxënies. Unë ju uroj ju drejtor të ri të emëruar sot, dhe ju të rizgjedhur, duke u dëshiruar suksese në këtë detyrë, në të njëjtën kohë kërkoj nga ju që të angazhoheni bashkë me ne në të mirë të arsimit në Komunën tonë, dhe në të mirë të gjeneratave të reja. Unë si kryetar Komunë por edhe dikasteri i arsimit jemi të gatshëm për të bashkëpunuar, kërkojmë që edhe ju të bashkëpunoni ngushtë me ne, për të mirën e arsimit, për të mirën e fëmijëve tanë” tha Selmanaj. Qazim Maloku Drejtor i DKA-së, i pranishëm në këtë ceremoni të nënshkrimit të emërtimit të drejtorëve, pohoj se në bashkëpunim të ngushtë me Kryetarin e Komunës z.Rasim Selmanaj, dhe me përfaqësues të MASHT-it, kanë bërë përzgjedhjen e drejtorëve në bazë të meritave siç kanë qenë të parapara në konkurs.
